काठमाण्डौ ।
महिला टि–२० क्रिकेट शृङ्खलाको तेस्रो खेलमा नेपालले मलेसियालाई २७ रनले हराउदै जित हाँसिल गरेको छ । जितसँगै नेपालले पाँच खेलको शृङ्खलामा २–१ को अग्रता बनाएको छ । बांगीमा आज भएको तेस्रो खेलमा जितका लागि १ सय ११ रनको लक्ष्य पछ्याएको मलेसियाले निर्धारित २० ओभरमा ४ विकेट गुमाएर ८३ रन मात्रै बनायो। त्यसअघि टस हारेर पहिला ब्याटिङ गरेको नेपालले निर्धारित २० ओभरमा ५ विकेट गुमाएर १ सय १० रन बनाएको थियो । पहिलो खेलमा ५ विकेटले पराजित भएको नेपालले दोस्रो खेलमा मलेसियालाई ७ विकेटले हराएको थियो । श्रृंखला अन्तर्गत पर्सि शनिवार चौथो र आइतवार पाँचौँ तथा अन्तिम खेल हुनेछ ।
यो समाचार पढेर हजुरले कस्तो महसुस गर्नुभएको छ ??
