धादिङ ।
धादिङको खनियाबास गाउँपालिका-५ मा ट्रक दुर्घटना हुँदा एक जनाको मृत्यु भएको छ भने तीन जना घाइते भएका छन् । जिल्ला प्रहरी कार्यालय धादिङका अनुसार बा५ख ५९६३ नम्बरको ट्रक दुर्घटना हुँदा खनियाबास गाउँपालिका-५ सिमी बस्ने ४६ वर्षीय ल्वाङ लामाको मृत्यु भएको हो ।
ट्रक सडकबाट झन्डै ३० मिटर तल खसेको थियो । दुर्घटना परी घाईते भएका स्थानीय धनबहादुर तामाङ, मरुमाया तामाङ र शर्मिला तामाङको उपचार भईरहेको छ ।
यो समाचार पढेर हजुरले कस्तो महसुस गर्नुभएको छ ??
