देवदह ।
देवदहमा आयोजित तेश्रो मेयर रनिङ्ग कप वडास्तरीय फुटवल प्रतियोगिता अन्र्तगत क्वाटर फाईनलका खेलहरु सम्पन्न भएको छ । प्रतियोगिता अन्तर्गत भएको क्याटर फाईनल खेलमा देवदह नगरपालिका–१२ र देवदह–३ विजयी हुदै सेमिफाईनलमा प्रवेश गरेको छ ।
पहिलो क्यावटर फाईनलमा वडा नम्वर १० लाई हराउदै वडा नम्वर १२ सेमिफाईनलमा प्रवेश गरेको हो । निकै प्रतिस्पर्धात्मक रहेको खेलमा सून्यका विरुद्ध १ गोल गर्दै वडा नम्वर १२ विजयी भएको हो । खेलमा वडा नम्वर १२ का जर्सी नम्वर ११ का खेलाडी सन्दिप सुस्लिङ्गले गरेको गोल नै निर्णयक हुन पुग्यो । प्रतियोगिता अन्र्तगतको सेमिफाईनल खेलमा वडा नम्वर ७ संग प्रतिस्पर्धा हुने नगर खेलकुद विकास समितिका संयोजक कमल पाण्डेले जानकारी दिनु भयो ।
यसैगरी दोश्रो खेलमा वडा नम्वर ३ सेमिफाईनलमा प्रवेश गरेको छ । खेलमा वडा नम्वर ४ लाई हराउदै वडा नम्वर ३ सेमिफाईनलमा प्रवेश गरेको हो । खेलको पहिलो हाम सम्म बरावरी रहेकोमा दोश्रो हाफको १० औं मिनेटमा वडा नम्वर ३ जर्सी नम्वर ९ का खेलाडी सुमन मसराङ्गीले प्रहार गरेको बल गोलमा परिणत भएको थियो ।
देवदह नगर खेलकुद विकास समितिको आयोजनामा भएको प्रतियोगिताका विजेताले नगद ५१ हजार, उपविजेताले नगद ३१ हजार, ट्रफी प्राप्त गर्ने संयोजक कमल पाण्डेले जानकारी दिनु भयो ।
