देवदह । रूपन्देहीको देवदह-२ स्थित नमूना एभरग्रिनमा साप्ताहिक कार्यक्रम अन्तर्गत विद्यार्थीहरूको प्रतिभा प्रस्फुटन गर्ने उद्देश्यका साथ हिसाब दौड प्रतियोगिता सम्पन्न भएको छ।
प्रतियोगितामा कक्षा-१ बाट जेम्स थापा प्रथम, अभि अर्याल द्वितीय र शिवम गुप्ता तृतीय भएका थिए भने कक्षा-२ बाट शिशिर चालिसे प्रथम, विशेष बुर्जा द्वितीय र युजिना गुरुङ तृतीय भएका थिए। त्यसैगरी कक्षा ३,र ४ तर्फ दिपिका चालिसे प्रथम, आभास रेग्मी द्वितीय र क्रिश कलवार तृतीय भएका थिए । प्रतियोगितामा शिक्षक मिना गाहा र टीका सारूले निर्णायकको भुमिका निर्वाह गर्नुभएको थियो ।
विजयी विद्यार्थीहरुलाई पुरस्कार वितरण गर्दै विद्यालयका प्रिन्सिपल कमल पौडेलले हिसाब दौड प्रतियोगिताले विद्यार्थीहरूको मानसिक फुर्तिलोपनमा वृद्धि ,ध्यान केन्द्रित क्षमता र समय व्यवस्थापनमा समेत फाइदा हुने कुरा बताउनु भएको थियो।
कार्यक्रम विद्यालयका प्रिन्सिपल कमल पौडेलको अध्यक्षता, अतिरिक्त कियाकलाप संयोजक राज कुँवरको सञ्चालन तथा शिक्षक रुद्र प्रसाद पाण्डेको सहजीकरणमा सम्पन्न भएको थियो ।
